-- ADVERTISEMENT --
ROXAS CITY – Pilas sa magkatuhay nga bahin sang lawas ang naangkon sang isa ka driver sang motorsiklo matapos nadulaan ini sang kontrol sa pagmaneho sa Barangay Mianay, Sigma Capiz kahapon Oktobre 2, 2023.
Ginkilala ang biktima kay Celso Loro, 45-anyos kag residente sang Barangay Parian, sang nasambit nga banwa.
Sandig sa impormasyon nga nagikan sa Bureau of Fire Protection Sigma, yara sa impluwensya sang makahulobog nga ilimnon si Loro kung sa diin papauli na kuntani ini sa ila nga puluy-an sang matabo ang aksidente.
Bangud sini madasig naman nga ginrespondihan sang katapo sang BFP Sigma si Loro agud dapatan sang pauna nga pagbulong antes ginpadangat sa pinakamalapit nga ospital.
