ROXAS CITY – Nag-angkon sang pagbinaisay ang driver sang kotse kag tricycle sa Teodoro Arcenas Trade Center sa Barangay 8, Roxas City.
Base sa inisyal nga imbestigasyon sang Roxas City PNP nga samtang nagamaneho si Antonio Selda sang iya nga kotse kag paliko na kuntani sa wala nga porsyon sang aksidente na lamang sini nga nabungguan ang tricycle nga ginamaneho ni Brian Alam 22-anyos sang Barangay Tanque sining siyudad.
Bangud diri, ginhambalan ni Alam si Selda nga hulaton nalang nila ang traffic auxiliary antes ini maghalin sa lugar apang ginapahayag nga wala ini ginsapak sang amo nga driver.
Magluwas diri, ginaalegar pa ni Alam nga sa tion maghalin ini sa lugar may yara ini sang pagaatubangon nga violation rason nga ginkaakig naman ni Selda.
Bangud diri, nag-angkon sang pagbinaisay ang duha rason nga gilayon man sini ginpadulongan sang traffic auxiliary nga si alyas Vincent agud pakalmahon ang duha.
