ROXAS CITY – Nakahunong sa karsel sang Sigma MPS ang 57-anyos nga babayi matapos nga akto nga nadakpan sang Security Guard sang isa ka bag-o nga drug store sa Poblacion Sur, Sigma, Capiz.
Ginkilala ang nadakpan kay Anastacia Dablo Montes, kag residente sang distrito sang La Paz, Iloilo City.
Sandig sa inisyal nga imbestigasyon ni PSMS Ronilo Arroyo, nga nadakpan sa akto ni SG Regie Nicolas Sumadia, ang suspek nga nagapangsulod sang groceries sa iya backpack nagaduag blue.
Bangud sini, wala na ini ginhatagan tyansa nga makaguwa kag gilayon nga ginpalapitan sang security guard.
Natigayon nga marecover sa bag sang suspek ang nanari-sari nga grocery items nga nagabalor tanan sa P6,373.
Sa karon, natalana ini nga pasakaan sang nagakaigo nga panumbungon.
