ROXAS CITY – Ginsiguro sang Department of Social Welfare and Development (DSWD) nga mahatagan sang ayuda ang tanan nga apektado sang pagbaha nga dala sang bagyong Agaton diri sa probinsya sang Capiz.
Ini ang ginpahayag ni DSWD Sec. Rolando Bautista sa isa ka interview matapos nga nagpadulong sa Brgy. Pob. Tacas banwa sang Pontevedra kaupod si President Rodrigo Duterte kag Senator Bong Go.
Suno kay Bautista, nga magapanagtag sila sang mga food packs, Hygiene kits kag cash assistance sa mga biktima sang pagbaha nga dala sang nasambit nga bagyo.
Dugang pa sini, nga ang listahan sang mga benepisyaryo sang amu nga ayuda ang magikan mismo sa mga Local Government Unit (LGU) kag ini ang ipasa sa DSWD agud ila nga ma-assist.
Nagpangabay man ini sa mga politiko nga indi paggamiton ang programa kag serbisyo sang ila ahensya para sa pamulitika.
