Ginpaandaman sang Department of Trade and Industry (DTI) ang publiko batuk sa pagbakal sang regalo online subong nga Valentine’s Day bangud sa nagadamo nga shopping scam.
Suno sa Department of Trade and Industry, nagadamo ang mga unregistered online sellers kag nangin mas agresibo sa pagtanyag sang “love gifts” nga wala sang kasiguruhan sa kalidad kag proteksyon sang mga konsumidor.
Ginhatagan pagtamod sang ahensya nga dapat lamang magbakal sa lehitimo nga mga plataporma nga may DTI trustmark agud malikawan ang pagpangdaya.
Kadungan sini, nagpaandam man ang Philippine National Police (PNP) kag Scam Watch Pilipinas batok sa paglapta sang “love scams” sa social media kag dating apps.
Matandaan nga PNP nakarekord sang 54 ka kaso sang love scam sang 2025, 75 sang 2024, kag anum ka kaso halin Enero tubtob Pebrero subong nga tuig.
Nahibaluan nga ang mga scammers ginaalegar nga nagagamit sang artificial intelligence sa paghimo sang peke nga mga litrato, video calls, kag scripted conversations agud dayaon ang mga biktima.
