Malabo pa nga mag-angkon sang dugang nga sweldo ang entry level nga mga manunudlo sa mga pampubliko nga eskwelahan sa idalum sang budget para sa masunod nga tuig.
Pag-eksplekar ni Budget Secretary Amenah Pangandaman, natapos na nila ang budget proposal sang magpangko si Education Secretary Sonny Angara.
Naipresenta na man suno ini kay Presidente Bongbong Marcos kag sa mga gabinete rason nga wala na natalakay ang nahanungod sa adjustment sang entry level salary sang mga manunudlo.
Suno pa sa tiglikum, kinahanglan nga mag-agi sa kongreso ang pagpasaka sa entry level kag dapat pa ini tun-an sang Department of Education.
Kasubong man, kaupod naman suno ang iban nga public school teachers sa P70 billion nga pondo para sa dugang nga sweldo sang mga empleyado sang gobyerno.
Ang sektor sang edukasyon man ang nakakuha sang pinakadako nga bahin sang pondo sa 2025 budget nga yara sa P977.6 billion.
