ROXAS CITY – Dakop ang duha ka street level individual sa ginkasa nga drug buy-bust operation sa Brgy. San Jose, Roxas City.
Ang mga subject person amo sanday alyas Jun, 45-anyos kag alyas angel, 28-anyos nga lunsay residente sang nasambit nga lugar.
Sa interview sang Bombo Radyo kay Police Chief Master Sergeant Ramil Arcangeles, spokesperson sang Roxas Component City Police Station, iya ginpahayag nga ang nasambit nga operation ang ginpangunahan sang Roxas Component City Police Station kaupod ang Station Drug Enforcement Team.
Suno kay Arcangeles, nakuha sa paghinakop sang mga subject person ang tatlo ka heat-sealed transparent plastic sachet sang ginapatihan shabu nga nagabug-at sang 12 gramos kag may street value nga P81,600.
Pahayag pa niya, lakip pa sa nakumpiska amo ang P2,500 nga buy-bust money kag iban pa nga mga gamit.
Sa subong, nakahunong na ang mga subject person sa Roxas Component City Police Station kag magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.
INTERVIEWED BY: BOMBO ROADNIE DALANON
