DUMARAO CAPIZ – May ginalantaw na nga person of interest ang katapo sang Dumarao Municipal Police Station sa nagluntad nga pagpang-ambush-patay sa mag-asawa sa Sitio Magalan, Barangay Sagrada Familia, Dumarao Capiz.
Matandaan nga ginkilala ang mga biktima nga sanday Romeo Bagaforo, 47-anyos, mangunguma, asawa sini nga si Regil Bagaforo, 48-anyos lunsay residente sang nasambit nga lugar.
Sa interview sang Bombo Radyo sa Capiz Police Provincial Director nga si PCol. Albert Tapulao, ginpahayag sini nga apat ka mga persona ang yara sa likod sang nasambit nga krimen.
Mahibaluan nga sang natabo ang krimen, nagikan ang mga ini sa syudad sang kag naghapit lamang ini sa ila utod kag papauli na kun tani sang hinali na lamang sila ginpaulanan sang bala.
Narekober sa lugar ang kapin 23 ka basiyo sang nagakalain-lain nga sahi sang armas-luthang kag tatlo ka deformed fired bullets.
Suno kay Tapulao nga sa nasambit lamang nga banwa ang ila ginalantaw ang suspek kag kilala sang mga biktima.
Sa karun, padayon pa ang ginapatigayon nga imbestigasyon sang mga kapulisan subong man ang pag-ayam sa suspetsado.
