Liwat nga ginsorpresa ni Pinay tennis ace Alex Eala ang mga tumalan-aw sang Miami Open matapos nga lutuson sin si World Number 5 Madison Keys sang US.
Nakuha sang 19-anyos nga si Eala ang score nga 6-4, 6-2 para makasulod sa round of 16.
Siya ang una nga Pinay sa Open Era nga nakapiyerde sa top-10 nga kontra sumugod sang ginpatuman ang ranking system sadtong 1975.
Ang nasambit nga kadalag-an pila ka adlaw sang ginlutos sini si world number 25 nga si Jelena Ostapenko sa ikaduha nga round sang torneo.
Sa opening set pa lamang nangin agresibo si Eala kun sa diin asud-asod ang ginhimo nga pag-atake sa American tennis player.
Ginpasalamatan ni Eala ang pamilya kag mga Filipino nga naglantaw sang iya hampang.
Masunod nga makaatubang ni Eala si world number 10 nga si Paula Badosa sang Spain.
