Ginalauman nga magatubo ang ekonomiya sang Pilipinas sa 5.2 percent subong nga tuig 2026 matapos ang 4.4% nga pagtubo sang tuig 2025 suno sa Business Monitor International (BMI) Research.
Suno sa report, ang investment gikan sa publiko kag pribado nga sektor magabawi sang mga naatrasar nga mga infrastructure projects kag ang domestic consumption sa sulod sang pungsod magataas samtang ang pungsod nagabangon gikan sa serye sang mga bagyo sa ulihi nga bahin sang 2025.
Ginalauman man ang dugang nga remittances kag ang mas maluya nga peso ang makapasanyog sang konsumo, samtang ang private investment ang makabenepisyo sa padayon nga pagpanubo sang interest rates sang BSP.
Sa pihak nga bahin, ang pag-uswag sang mga export mahimo nga maghinay bangod sang mataas nga base sang 2025.
Nagpaandam naman ang Business Monitor International nga kon ang ma-delay ang infrastructure spending, mahimo nga indi bastante ang konsumo kag export nga malab-ot ang target sa pag-uswag.
