MANILA – Nag-uswag sang 5.4% ang ekonomiya sang Pilipinas sa una nga tatlo ka bulan sang 2025.
Suno sa Philippine Statistics Authority (PSA), mas mataas sangsa 5.3% nga pag-uswag sang Gross domestic product (GDP) sa ulihi nga katunga sang 2024.
Suno kay PSA Undersecretary Dennis Mapa, ang quarter-on-quarter nga pag-uswag yara sa 1.2%, nga ginapangunahan sang manufacturing, retail trade, kag construction.
Bisan pa nga mas manubo ini sangsa 5.9% nga pag-uswag sa amo man nga panahon sang nagligad nga tuig, ang National Economic and Development Authority (NEDA) nagsiling nga nagapakita ini sang “padayon nga pag-uswag” walay sapayan sang walay kapat-uran sa ekonomiya sang kalibutan nga gintuga sang mga tensyon sa negosyo sa tunga sang U.S. kag iban pa nga mga pungsod.
Ang Pilipinas amo ang ikaduha nga pinakamadasig nga nagatubo nga ekonomiya sa Asya sa una nga quarter sang 2025, sunod sa Vietnam (6.9%) kag katumbas sa China (5.4%).
