Estados Unidos, gin-aprubahan ang pagbaligya sang $11-B nga balor sang armas sa Taiwan

Gin-aprubahan sang administrasyon ni US President Donald Trump ang pagbaligya sang $11 billion nga balor sang armas sa Taiwan.

Ginkumpirmar sang Taiwan nga ini na ang ikaduha nga batch sang mga armas nga ginabaligya sang US humalin sang nagbalik sa pwesto si Trump.

Base sa Taiwan foreign ministry, ang package nagalakip sang HIMARS rocket systems, howitzers, anti-tank missiles, drones kag pila pa ka mga parte para sa iban pa nga kagamitan.

Apang, kinahanglan pa nga aprubahan sang Kongreso sang Estados Unidos ang amo nga kasugtanan, apang indi ini posible nga isikway bangud sa cross-party consensus sa depensa sang Taiwan.

Suno sa Taiwan defence ministry, ginalauman nga opisyal nga mangin epektibo ang weapons deal sa sulod sang isa ka bulan.