ROXAS CITY – Ginpasalig sang Chairman sang Committee on Health sang Sangguniang Panlalawigan nga pagatutukan sang Fact Finding Committee ang imbestigasyon angut sa ginaalegar kapabayaan sang Bailan District Hospital nga nagresulta sa kamatayon sang isa ka babayi kag sang ginabusong sini.
Sa interview sang Bombo Radyo Roxas kay First District Board Member Steve Contreras, nagmando si Capiz Governor Esteban Evan “Nonoy” Contreras nga imbestigaran sang Hospital Management Section, Committee on Health sang Provincial Board, Provincial Legal Office, Human Resource Management Office, kag Provincial Health Office ang nasambit nga insidente nga ginakadalahigan sang Bailan District Hospital.
Suno diri nga bilang kabahin ini sang Fact Finding Committee, pagapadalman sini ang paghibalo kun ano ang matuod nga natabo sa tunga sang nasambit nga iloy kag sang talatapan sang ospital.
Ginpahayag sini nga naistorya na niya ang Chief of Hospital sang Bailan District Hospital nga si Dr. Venus Loretizo apang magluwas sini, luyag man kun tani niya nga mabatian ang pagpahayag sang pamilya sang nagtaliwan nga iloy.
Nagapati si Board Member Contreras nga posible ang indi manami nga pag-istorya sang mga empleyado sang nasambit nga ospital sa mga pasyente ang rason sang indi pag-intindihanay.
Dugang pa sini nga kun maayo lamang ang pag-entertenar sang mga empleyado sang nasambit nga ospital wala man sang may magareklamo.
