Magapasakop ang Pinay Tennis star nga si Alex Eala sa pila pa ka mga torneo subong nga bulan.
Una diri amo ang pag-atubang niya sa clay court sa Linz Open, isa ka Women’s Tennis Association 500 nga kahiwatan sa Austria nga magasugod sa Abril 6 tubtob 12.
Pila sa mga posible nga kontra nga iya atubangon amo ang mga dalagku nga ngalan sa tennis pareho nanday Emma Raducanu sang United Kingdom, Clara Tauson sang Denmark, Jelena Ostapenko sang Latvia kag defending champion nga si Ekaterina Alexandrova sang Russia.
Kalakip diri ang Women’s Tennis Association 500 tournament sa Germany halin Abril 13 tubtob 19.
Magapasakop man si Eala sa Madrid Open nga pagahiwaton sa Abril 21 tubtub Mayo 3.
Matandaan nga bag-o lang natapos ang pagpasakop ni Eala sa pila ka mga tournament sa US kaangay sang Indian Wells kag Miami Open.
