-- ADVERTISEMENT --
Gindominar sang Filipina tennis star nga si Alex Eala ang iya hampang batok sa Paris Olympics silver medalist nga si Donna Vekic sa nagapadayon nga Kooyong Classic sa Melbourne, Australia.
Ang nasambit nga torneo isa ka exclusive by-invite exhibition tournament nga ginatambungan sang kilala nga mga tennis star antes ang natalana nga Australian Open.
Matandaan, nalutos na ni Eala si Vekic sa bag-o lang natapos nga ASB Classic sa Auckland sa score nga 4-6, 6-4, 6-4.
Samtang, natalana naman nga magpasakop sanday Eala kag Vekic sa WTA125 Philippine Women’s Open subong nga bulan.
Apang indi pa mapat-od kun liwat nga mag-atubangay ang duha sa nasambit nga tournament.
-- ADVERTISEMENT --
