Nakuha ni Karl Eldrew Yulo ang isa na naman nga kadalag-an matapos nga naangkon ang bronze medal sa horizontal bar finals sang 2025 Artistic Gymnastics Junior World Championships nga ginhiwat sa Pasay City, Philippines.
Nagrekord ini sang 13.90 points sa iya nga routine nga hinali man nga ginpasaka sa 14 points bangud sa stick landing bonus.
Nahibaluan nga ini na ang ika-duha nga bronze medal nga nadag-an ni Yulo sa torneo matapos nga nagdaog man ini sa floor exercise finals sang tinalikdan nga Sabado.
Apisar wala ini nakapagkit sang medalya sa vault finals, nagbawi naman ini sa horizontal bar kag liwat nga naghatag sang dungog sa pungsod.
Nahibaluan nga ang bata nga gymnast halin sa Adamson University ang manghod sang Olympian Gold Medalist nga si Carlos Yulo.
