Filipino pole vaulter EJ Obiena, luyag nga itugyan sa mga pamatan-on nga humalampang ang pagpasakop sa Southeast Asian Game

Luyag sang Filipino Olympian nga si EJ Obiena nga itugyan sa mga bag-o nga henerasyon ang pagpasakop sa Southeast Asian Games.

Target sa gihapon ni Obiena nga magpasakop sa Southeast Asian Games nga magasugod sa bulan sang Disyembre sa Bangkok, Thailand.
Apang luyag niya nga hatagan sang dalan ang pila ka mas bataon nga mga atleta pareho kanday ketot delos Santos kag Elijah Cole.

Suno sa iya, kun maka-qualify ang duha, indi magduha-duha si Obiena nga itugyan ini sa mas bataon nga mga humalampang.

Madumduman nga nagdaug si Obiena sa World Pole Vault Event nga ginhiwat sa syudad sang Makati subong nga Dominggo.