Ginbuksan ni EJ Obiena ang iya 2026 season pinaagi sa isa pa ka kadalag-an pagkatapos nga nagdaug sang gold medal sa pole vault sa 2026 Asian Indoor Athletics Championships sa Tianjin, China.
Ang duha ka beses nga Olympian nakakuha sang pinakamataas nga podium spot pagkatapos nga makalab-ot sa 5.70 meters sa iya una nga pagtinguha.
Si Li Chenyang sang China nagtinguha nga makatupong sa kataason apang napaslawan sa tatlo ka attempts, rason agud makakuhasilver medal pagkatapos nga makalab-ot sa 5.60m.
Nakumpleto naman ni Chen Yang, isa man ka Chinese vaulter, ang podium sa bronze matapos ma-clear ang 5.40m.
Masunod nga magapasakop si Filipino pole vault ace sa INIT Indoor Meeting Karlsruhe sa Germany bilang kabahin sang iya sunod-sunod nga international competitions subong nga tuig.
