ROXAS CITY – Madinalag-on ang ginhiwat nga final testing and sealing nga ginpatigayon sang Comelec sa nagkalain-lain nga eskwelahan sa probinsya sang Capiz.
Ini ang ginpahayag ni Atty. Rommel Benliro, City Comelec Officer sang ma-interview sang Bombo Radyo.
Sun okay Benliro, apisar may yara sang mga VCM nga nag-kaaberya, gilayon man ini nga na troubleshoot sang Comelec sa bulig man sang DOST kag DICT.
Samtang ang iban naman nga wala makay-o, ang gin-refer naman sa national technical sang Comelec agud mahatagan sang authorization nga ma-comfigurate ang mga sd card nga may depektibo.
Ginpahayag ni Benliro nga magapadala sila sang notisya sa mga kandidato kag magapadayon pa ang final testing and sealing subong nga adlaw sang Dominggo.
Ginpunto man sini ang purpose sang final testing and sealing agud masiguro nga mangin maayo kag handa na ini nga pagagamiton sa adlaw sang eleksyon sa Mayo 9.
Ginsiguro man ni Benliro sa mga pumuluyo nga paga-amligan nila ang boto sang tagsa ka mga botante kag magabantay gid sila sa pagahiwaton nga eleksyon.
Nagalaom man ini nga mangin matawhay kag hilway ang pagahiwaton nga piniliay kag nagapangabay man ini sa kooperasyon sang mga kandidato kag ilabi na sang mga botante.
