ROXAS CITY – Gin-athag sang OIC provincial election supervisor ang kontrobersiyal nga isyu angut sa temporaryo nga pagpauntat sa pagrelease sa financial kag burial assistance sa mga pigado nga mga Capizenio sang gobyerno probinsiyal sa pagsugod sang campaign period.
Ginpahayag ni Atty. Jessie Suarez nga wala malakip sa banning ang financial kag burial assistance nga ginahatag sang gobyerno probinsiyal sa mga pigado nga mga Capizeño.
Ini bangud sandig sa ginpaguwa nga resolution ang mga continous program kasubong sang financial kag burial assistance ang exempted sa nasambit nga pagsulundan.
Apang ginpakamaayo lamang ni Atty. Suarez nga magkuha sang Certificate of Exemption ang gobyerno probinsiyal sa Comelec Office agud mapadayon ang pagrelease sang amo nga mga benepisyo sa nagakinahanglan nga mga Capizeño.
