AUSTRALIA – Ginalantaw sang mga otoridad sa Australia nga planado sa sulod sang madugay nga tion ang pagpangluthang sang mag-amay nga suspek sa Bondi attack.
Suno kay Bombo Denmark Suede, International Correspondent sa Australia, nakit-an sang mga otoridad base sa mga ebidensya nga natipon, nga duha ka adlaw antes ang pagpangluthang, nagpadulong ang mga suspek nga sanday Naveed Akram, 24 anyos, kag Sajud Akram, sa Bondi Beach para sa reconnaissance attack.
Pahayag niya, ginapatihan nga sa New South Wales ginpatigayon ang firearms training kag indi sa Pilipinas baliskad sa naguwa nga una nga impormasyon sang foreign media.
Nahibaluan nga 15 ka tawo ang napatay kag madamo man ang pilason matapos ginpaarakan luthang sang mga suspek ang Hannukah celebration sang Disyembre 14.
Sa subong, ginpasakaan na sang kaso sa 59 ka mga offenses si Naveed Akram lakip na ang 15 counts sang murder kag isa ka terrorist attack.
