Foreign Ministry sang China, ginpatawag ang PH envoy sa tunga sang akusasyon kay Tarriela sang smear campaign vs. China

Ginpatawag sang Foreign Ministry sang China si Philippine Ambassador Sea Commodore Jay Tarriela bangod sa pagpatuman niya sang smear campaign batok sa China.

Ginkumpirma sang Chinese embassy sa Maynila ang ginhambal nga tikang sa isa ka statement.

Base sa isa ka press conference, nagpanindugan si China Foreign Ministry spokesperson Guo Jiakon sa seryuso nga posisyon sang China batok  sa mga pahayag nga suno sa iya halin sa spokesperson sang Philippine Coast Guard, kag subong lang nga aga ginapatawag ang Ambassador sang Pilipinas sa China agud liwat nga magpasaka sang seryuso nga protesta.

Subong, wala pa sang ginpagwa nga panindugan nga halin kay Comm. Tarriela kag sa Department of Foreign Affairs para sa may kahilabtanan sa amo nga hilikuton.

Apang una na nga ginpahayag ni Tarriela nga indi siya nagadumot ukon nagapanira paagi sa iya mga ginapaskwa nga posts, kundi mga matuod nga natabo sa West Philippine Sea nga may kasupporta sang ebidensya pareho sang mga video, litrato, opisyal nga report halin sa Philippine Coast Guard kag mga obserbasyon halin sa third-party.