Nagpalab-ot naman sang simpatiya si former House Speaker kag Leyte Rep Ferdinand Martin Romualdez sa pagtaliwan ni former House Speaker Jose de Venecia Jr., nga iya gintawag nga isa sa pinakamabaskog nga haligi sang demokrasya sa Pilipinas kag “political father” sang partido Lakas-CMD.
Si De Venecia, nga mas kilala bilang “Speaker Joe,” nagtaliwan sang Pebrero 10, 2026, sa edad nga 89.
Ginhatagan pagtamod ni Romualdez ang importante nga papel ni De Venecia sa pagtukod sang Lakas-NUCD kag ang iya kontribusyon sa paghiliusa sang pungsod paagi sa iya bantog nga “Rainbow Coalition.”
Pila sa mga legasiya nga ginsambit ni Romualdez amo ang mga masunod:
Reform Workshop: Sa pagpamuno ni De Venecia, ang Kamara nangin sentro sang importante nga lehislasyon kag consensus.
Interfaith Dialogue: Ang iya papel sa pangkalibutanon nga entablado sa pagpasanyog sang paghidait kag paghambalanay sa tunga sang nagkalainlain nga mga relihiyon.
Mentorship: Bilang isa ka personal mentor, ginpasalamatan ni Romualdez ang anay Speaker sa giya kag inspirasyon nga iya ginhatag sa madamo nga mga Senador.
Nagpalab-ot man sang simpatiya si Romualdez sa pamilya sang nagtaliwan nga anay Speaker, partikular sa iya asawa nga si Rep. Gina de Venecia kag anak nga si anay Rep. Christopher de Venecia.
