ROXAS CITY – Nagapasamalat si former mayor Vic Toto Bermejo sa tanan nga pumuluyo sang Panay sa liwat nga pagsalig sa iya kag pagbulig agud malab-ot sini ang iya kadalag-an.
Sa interview sang Bombo Radyo kay Vic Toto Bermejo, ginpahayag sini nga wala siya nagduha-duha nga magpadalagan bangud suno diri nga kinahanglan na nga ibutang sa tadlong ang sala nga sistema sang ila banwa.
Indi man lipod sa ihibalo sang mga taga-Panay nga ang kasumpong ni Bermejo amu ang iya karnal nga pakaisa nga si mayor Felipe Dodoy Barredo.
Matandaan, nga anay na nagpungko bilang mayor sang Panay si Bermejo sa sulod sang 9 ka tuig.
Aminado man ini nga indi na siya kuntani luyag magbalik sa politika, apang ini ang ginkumbensi sang kapin 30 ka mga kapitanes sang Panay rason nga nagpadalagan ini liwat sa ila banwa. Ginsiguro man ni Bermejo sa iya mga kasimanwa nga magaserbisyo ini sang tampad kag himuon niya sini ang tanan agud mapaumwad lang ang ila banwa.
