Naghingyo si anay Presidente Rodrigo Duterte sang interim release kag ibutang sa wala ginpahayag nga pungsod.
Ang iya abogado nga si Nicholas Kaufman nagsiling nga ang isa ka wala ginbuyagyag nga pungsod nagpabutyag sang ila kahanda sa pagbaton sa anay presidente.
Nasaad sa petisyon ni Kaufman nga indi kritikal ang kondisyon ni Duterte agud makalupad kag sigurado nga magatambong ini sa court hearing.
Nagapati ini nga indi pakahuy-an ni Duterte ang pungsod nga luyag magpasulod sa iya.
Ang wala ginpahayag nga pungsod isa ka estado nga partido sa Rome Statute, nga isa ka kasugtanan nga gintukod sang International Criminal Court.
Ginpanindugan man sang abogado sang anay presidente nga wala ini ginapamalabag sang piskalya.
Nagalaum sila nga aprubahan sang ICC Pre-Trial Chamber ang ila request para sa interim release.
Madumduman nga sang Marso, napreso ang anay presidente sa ICC Detention Center sa Scheveningen, The Hague Netherlands bangud sa mga krimen batuk sa katawhan.
