ROXAS CITY – Magapatigayon sang donation drive ang mga katapo sang Future Leaders of The Philippines-Capsu Pontevedra Campus para sa mga nangin apektado sang Bagyong Odette nga nagpanalasa sadtong Disyembre 2021.
Ini ang ginpahayag ni Mr. Jon Verny Biaco, adviser sang FLP-Capsu Pontevedra Campus, sang mainterview sang Bombo Radyo.
Suno diri nga indi na ini labing-una nga kahigayunan nga naghiwat ang ila organisasyon sang donation drive, sa pagkamatuod sang nagligad nga paglaslas man sang bagyong Ulysses, natigayon man sila nga mapadala sang gamay nga bulig sa mga tuman nga apektado.
Sa karon, nagasugod na sila sa pagbaton sang mga donations in kind ilabi na ang goods nga amu ang kinahanglan sang mga residente sang Eastern Visayas.
Magpakig-angut lang sa ila official Facebook page sa Future Leaders Of The Philippines-Capsu Pontevedra Chapter, para sa dugang nga impormasyon.
