Balik gilayon sa ensayo ang Gilas Pilipinas matapos ang maragtason nila nga kadalag-an sa New Zealand sa second window sang FIBA Asia Cup Qualifiers.
Ginpahayag ni Gilas coach Tim Cone nga wala sang pagbag-o sa preparasyon nila nga himuon sa natalana nga pag-atubang nila sa Hong Kong sa adlaw sang Dominggo.
Dugang pa sini nga indi sila magkumpiyansa sa Hong Kong gani kun ano kasangkad ang ensayo nila batuk sa New Zealand amu man ang ila nga pagahimuon.
Dugang pa sini nga may mga pila ka pagbag-o sa play kag rotation ang gamiton sini sa pag-atubang nila sa Hong Kong.
Sa karon, nagapanguna ang Gilas Pilipinas sa Group B matapos nga lutuson ang New Zealand samtang yara sa pang-apat nga puwesto ang Hong Kong matapos nga ginlutos sila sang Chinese Taipei.
