Magapatigayon sang tune-up games ang Gilas Pilipinas, antes ang paghampang nila sa FIBA Olympic Qualifying Tournament.
Suno sa Samahang Basketball ng Pilipinas (SBP) makasambuwa sang hubon ang Taiwan Mustangs sa isa ka exhibition match nga patigayunon sa Philsports Arena.
Pila sa mga player nga magahampang amu sanday naturalized player Justin Brownlee, June Mar Fajardo, CJ Perez, Chris Newsome, Calvin Oftana, Dwight Ramos, Scottie Thompson, Kai Sotto, Kevin Quiambao kag Carl Tamayo.
Samtang sanday Jamie Malonzo kag EJ Edu, ang pagatal-usan nanday Mason Amos kag Japeth Aguilar bangud sa injuries nga ila naangkon.
Mahibaluan nga ang Mustangs ang ginapanag-iyahan nanday Dwight Howard kag anay NBA players nga sanday DeMarcus Cousins kag Quinn Cook.
Pila sa mga manughampang sini amu sanday anay PBA guard Alex Cabagnot, coach nga si Chris Gavina.
Sa karun may yara pa sang isa sa apat nga nabilin nga slots sa Paris Olympics ang gina-agawan sa Olympic Qualifying Tournaments kung sa diin nagakadapat lang nga mangin madinalag-on ang Gilas batuk sa Georgia kag Latvia agud maka-abante na sa semifinals.
