Magapangatubang sa kaso nga sa paglapas sang Republic Act No. 9165 ukon ang Comprehensive Dangerous Drugs Act of 2002 ang subject person kag ginapahayag supplier sang isa ka SK Chairperson nga nadakpan sa buy-bust operation sa Sara, Iloilo sang kun sa diin nakuha ang ginabanta masobra P2 milyon nga balor sang ginapatihan nga shabu.
Ang subject person amo si alyas Papanort, High Value Individual (HVI), 37-anyos kag residente sang Brgy. Swa, President Roxas, Capiz.
Sa interview sang Bombo Radyo kay Police Major Rachelle Garnica, Police information officer sang Police Provincial office, iya ginpahayag nga nakuha sa subject person ang 12 ka sachet sang ginapatihan shabu nga may kabug-aton nga 60 gramos kag may Standard Drug Price nga P408,000.
Suno kay Garnica, ang ang subject person ang may daan na nga kaso may kaangtanan sa iligal nga droga.
Ang operasyon ginpatigayon sang Capiz Police Provincial Drug Enforcement Unit, kaupod ang Roxas City Police Station kag Philippine Drug Enforcement Agency Region 6–Capiz Provincial Office.
