Padayon pa nga ginapadalman sang mga kapulisan ang ginahiwat nga imbestigasyon angut sa mag-asawa nga patay sa natabo nga ambush sa banwa sang Sitio Magalan, Barangay Sagrada Familia, Dumarao, Capiz.
Ginkilala ang mga biktima kanday alyas “Roam”, 47-anyos kag alyas “Regine”, 48-anyos residente sang nasambit nga barangay.
Sa interview sang Bombo Radyo kay PLT. Irene Toos, tagpamaba sang Dumarao MPS, ginpahayag nga nagikan sa syudad sang Iloilo ang mga biktima kag naghapit ang mga ini sa utod sang isa ka biktima, mapauli na kun tani ang mga ini sang natabo ang krimen.
Dugang pa sini, narekober ang kapin 23 ka basiyo sang nagakalain-lain nga sahi sang armas-luthang kag tatlo ka deformed fired bullets.
Sa karon, wala pa matumod sang mga kapulisan ang motibo sa pag-ambush patay sa mga biktima kag padayon pa nga ginapadalman sang mga ini ang imbestigasyon kun sin-o ang yara sa likod sa nasambit nga krimen nga kun sa diin nagapabilin sa gihapon nga at large.
