ROXAS CITY, CAPIZ – Magapadayon ang dry run sang ginaduso nga traffic scheme sa Barangay Tiza kag Barangay Lawa-an, Roxas City tubtob sa Pebrero 24, 2026 .
Sa interview sang Bombo Radyo kay Mr. Gonzalo Andrada, Head sang Traffic Management Unit sa Roxas City, iya ginpahayag nga isa ini sa mga inisyatibo nga ginapatuman agud masolbar ang problema sa pagpug-ok sang trapiko kag masiguro ang hilway nga dalagan sang mga salakyan sa dalanon.
Sandig sa Resolution No. 009-2026, nasaad nga sa Atienza Street, mangin one way ini padulong sa Southwest halin sa entry sini sa Camansi Street padulong sa Hemingway Street.
Sa Camansi Extension, mangin one way man padulong sa Northeast nagikan sa entry sa Hemingway Street padulong sa Rear wall sang Villareal stadium sa Camansi Street.
Samtang ipatuman man ang NO PARKING sa mga masunod nga lugar;
*both sides sang Camansi street
*both sides sang Datiles Street
*both sides sang Tumanon Street
*both sides sang Hemingway Street (Corner Fuentes Drive tubtob sa Block 6)
*both sides sang Block 6
*east side sang Atienza Street nagikan sa Corner Camansi Street padulong sa Hemingway kag;
*west side sang Camansi Extension
Samtang, tanan nga salakyan nga nagabug-at sang lima ka tonelada ukon masobra pa, kag tanan nga 10-wheeler trucks ang dapat nga dumilian nagikan sa Block No. 6 sang eastern end sang Hemmingway street padulong sa Westem sang Lawaan Highway.
