ROXAS CITY, Dakop ang ginakabig nga Top Most Wanted Person sa banwa sang President Roxas matapos ginserbihan sang warrant of arrest sa Barangay Poblacion, Bingawan, Iloilo.
Ginkilala ang akusado nga si alyas Gabi, 34-anyos kag residente sang Barangay Manoling, President Roxas.
Suno sa nakuha nga impormasyon nagapangatubang sa kaso nga Homicide si alyas Gabi.
Natigayon naman ang amo nga operasyon sa gintingub nga pwersa sang President Roxas ginapangunahan ni PMAJ Rachele D. Garnica, COP, Bingawan MPS ginpangunahan naman ni PLT Dandy D. Ilalto, PIT Capiz, kag CPPO
Samtang ang warrant of arrest ang ginpapanaog kag ginpirmahan ni Presiding Judge Esperanza Isabel Poco Deslate, sang Regional Trial Court, Sixth Judicial Region, Branch 19, Roxas City, Capiz, nga napetsahan sadtong Oktubre 30, 2023.
Ginrekomendar naman sang korte ang P120,000 nga piyansa para sa temporaryo sini nga kahilwayan.
Sa karon, yara sa paghinakop sang President Roxas PNP si alyas Gabi para sa nagakaigo nga disposisyon.#
