PRESIDENT ROXAS – Dakop ang ginakabig “Top 2 Most Wanted Person” sa banwa sang Sara, Iloilo sa ginpatigayon nga operasyon sang katapo sang 1st Capiz Provincial Mobile Force Company sa banwa sang Pres. Roxas, Capiz.
Ginkilala ang nadakpan kay alyas “Nato” 56-anyos, residente sang Brgy. Aguirre, Sara, Iloilo apang temporaryo nga nagatinir sa Brgy. Goce, sa nasambit nga banwa.
Mahibaluan nga magapangatubang sa kaso nga paglapas sa Republic Act No. 10591 ukon Comprehensive Firearms Law, si alyas “Nato”.
Ang warrant of arrest ang gin-issue ni Hon. Presiding Judge Jose Mauricio E Gomez, Branch 71, RTC, Barotac Viejo, Iloilo, napetsahan sadtong Octubre 14, 2024.
Samtang ginrekomendar naman sang korte ang P120,00 nga piyansa para sa temporaryo sini nga kahilwayan.
