Ginakabig Top 6 Most Wanted Person sa Provincial Level, arestado sa banwa sang Tapaz

ROXAS CITY – Arestado ang ginakabig Top 6 Most Wanted Person sa Provincial Level, matapos maserbihan sang madamiento de arresto sa Sitio Hamtang, Barangay Agpalali, Tapaz, Capiz.

Ang wala na ginhingadlan nga persona ang nagapangatubang sa kaso nga Acts of Lasciviousness, two (2) counts of statutory Rape.

Yara naman sa P108,000 nga piyansa ang ginrekomendar sang korte sa kaso nga Acts of Lasciviousness, apang wala naman sang may ginrekomendar nga piyansa sa kaso nga two (2) counts of Statutory Rape para sa temporaryo sini nga kahilwayan.

Sa karon, yara na sa kustodiya sang Tapaz Municipal Police Station ang arestado para sa nagakaigo nga disposisyon.