Gin-aresto sang mga pulis sa Argentina ang isa sa duwa ka kalalakinhan nga ginaakusaran nga nagasuplay sang droga sa anay miyembro sang sikat nga banda nga One Direction (1D) nga si Liam Payne antes ini nagtaliwan matapos mahulog gikan sa ikatatlo nga panalgan sang iya nga hotel room sa Buenos Aires sadtong Oktubre 16, 2024.
Natumod ang indibidwal nga si Braian Paiz, isa sa 5 defendants nga na-indict may kahilabtanan sa kamatayon ni Payne.
Una na nga ginkasuhan ang tatlo sa 5 defendants sang manslaughter kag ang duwa ka iban pa ang gindemanda bangud sa pagsuplay sang iligal nga droga suno sa prosecutors nga may uyat sa kaso.
Suno sa Prosecutors, nakakonsumo sang cocaine ang British singer, subong man sang alcohol kag prescription antidepressant antes mahulog gikan sa balcony sang iya nga kwarto sa Casa Sur Hotel.
Ang 24-anyos naman nga si Paiz ang gin-akusaran nga nagsuplay sang mga droga kay Payne duwa ka adlaw antes ini nagtaliwan.
Gin-raid man sang kapulisan ang balay sang nasambit nga drug supplier. Apng sa isa ka interview sa iya sadtong Nobyembre, ginpanginwala sini ang akusasyon apang gin-ako niya nga nakigkita siya kay Liam kag nakaupod niya ini sa hotel.
Ginpanginwala man ni Paiz nga nagabaton siya sang kwarta para sa mga ginsuplay sini nga droga, apang ginpahayag sang judge sa nasambit nga kaso nga nagaguwa sa natipon nga ebidensiya nga ginbayaran ini sa pagsuplay sang iligal nga drog
