Ginatudlo mastermind sa pagluthang-patay kay anay barangay kapitan Elvis Asis nagsumiter na sang counter affidavit

ROXAS CITY – Nagfile sang counter affidavit ang isa sa mga akusado nga kalakip sa mga ginpasakaan sang panumbungon nga murder sa pagpatay kay anay Barangay Kapitan Elvis Asis sang Barangay Lawaan, sining syudad.

Nagguwa nga si Mr. Rogelio Buaron, 51-anyos, isa ka negosyante kag residente sang Barangay Poblacion Panay Capiz ang ginatudlo mastermind sa pagpatay kay Asis sang nagligad Abril 27, 2018.

Samtang magluwas kay Buaron ginpasakaan man sang kaso nga murder si Joey Bacus alyas Tata, nga ginatudlo nga triggerman kag isa ka John Doe.

Matandaan nga ginluthang-patay si punong barangay Asis samtang nagasakay ini sa motorsiklo sang riding-in-tandem nga mga suspek.