ROXAS CITY – Nagapangayo sang pasensya si Angene Dapulano alyas Bubbles sa iya mga na-biktima sang pagpanunto matapos nga ginaalegar nga na-missed managed sini ang kwarta nga gin-investment sa iya.
Suno sa wala na nagpakilala nga biktima nga nakapalab-ot sang mensahe sa iya si Dapulano kag nagapangyo sang pasensya kag indi pa ini makapakita sa mga biktima sa personal bangud may yara ini sang death threat sa iya kabuhi.
Ginpahayag sang biktima nga desidido man si Bubbles nga magbayad ukon mabalik ang ila nga kwarta nga gin-invest apang indi pa mahibaluan kun san-o bangud wala sang pat-od nga petsa nga ginhatag si Dapulano.
Nagalaum sa gihapon ang mga biktima nga mabalik lamang ang ila nga ‘hard-earned money’ bangud ila man ini ginpangabudlayan rason nga nagapanawagan sila kay Dapulano nga kun mahimu magpakigkita na ini sa ila sa personal.
Nagpanugyan naman ang biktima sa publiko nga indi gilayon magsalig sa tawo nga indi pa nila kilala sang lubos para mag-invest sang dako nga kantidad sang kwarta bangud madamo na sang mga nagapanunto sa subong nga mga tini-on.
