Kabahin sang multilateral defense treaty sa tunga sang Pilipinas kag Estados Unidos ang Navy-Marine Expeditionary Ship Interdiction System ukon NMESIS missile system para sa paghanas sang mga sandatahang lakas.
Ini ang ginpahayag ni Senate Committee on Maritime and Admiralty Zones Chairman Senador Francis Tolentino kasunod sang pag-deploy sang Amerika sa pungsod sang NMESIS bilang kabahin sang Balikatan joint military exercises nga magasugod subong nga adlaw.
Suno pa kay Tolentino, ang killer missiles ang indi pagpamahog ukon pagpanghangkat sa baylo ini ang kabahin sang paghanas.
Samtang, ginsuportahan man ni Tolentino ang pahayag sang hepe sang Armed Forces of the Philippines nga si General Romeo Brawner Jr., nga mangin full battle test ang away subong nga adlaw kun sa diin ang tanan nga doktrina kag pamaagi sang militar ang pagatilawan.
Ginsiling sini nga ang anuman nga tikang nga makapabaskog sang aton defense capabilities kag cross military training upod sa iban pa nga mga kaalyado nga pungsod ang suportado sang senador.
Una na nga ginsuhestyon ni Tolentino nga ang Balikatan exercises ang nagalakip sang pagpraktis sang posible nga mga inaway nga mahimo matabo sa Taiwan Strait.
Ginsuhestyon sang senador nga ilakip sa training ukon rehearsal ang mga commercial vessels nga makabulig sa posible pagpauli sang 250,000 ka mga Pinoy sa Taiwan.
