Ginklaro sang Comissions on Elections (COMELEC) Capiz, nga wala sang mga ini ginbaton ang gin-file nga Certificate of Candidacy sang 27-anyos nga mangunguma sa pagka-bise gobernador sang Capiz sang ini ang nagpadulong sa satellite office sang Comelec sa isa ka mall sa syudad sang Roxas sang tinalikdan nga Oktubre 5.
Suno sa Comelec, ang rason kun ngaman wala sang mga ini ginbaton ang gin-file nga COC ni Argie Barroa Casiao, residente sang Barangay Daga, Panay bangud indi kumpleto ang ginsumiter sini nga papeles kag wala na-notaryohan ang iya COC.
Dugang pa sang mga ini, wala na makabalik si Casiao sa pagkasunod nga adlaw agud kumpletuhon kag tapuson ang iya gin-file nga COC.
Sa karon, sa ika-pito nga adlaw sang filing sang certificate of candidacy, wala pa sang may nag-file sa posisyon sa pagka-Vice Governor sang probinsya.
Matandaan nga pormal nga nag-file sang COC si Casiao sa pagka-Bise Gobernador sang Capiz nga kun sa diin ang ginatuyo sini nga pahagan-haganon ang isyu sang probinsya pag-abot sa droga kag pagatutukan nga proyekto sa tion nga magdaog ini amo ang pagpakay-o sang mga malubak nga dalanon sa probinsya.
