ROXAS CITY – Nangin madinalag-on ang ginpatigayon nga greyhound operation ukon Oplan-Galugad kag Surprise drug testing sang Philippine Drug Enforcement Agency (PDEA) – Capiz kaupod ang katapo sang Bureau of Jail Management and Penology (BJMP) sa mga persons deprived of liberty (pdl’s) sa Roxas City Female Dormitory sa Barangay San Jose Roxas City.
Tinutuyo sini nga operasyon agud masiguro nga wala sang may nagakahinabo nga illegal sa sulod sang presohan.
Kadungan sini, nagpatigyon man sang suprise drug testing ang mga katapo sang BJMP kag random PDL’s nga lunsay nangin negatibo ang resulta.
Samtang, padayon ang pagmonitor sang PDEA sa mga personalidad nga nagahiwat sang iligal nga buluhaton ukon paggamit kag pagduso sang iligal nga druga sa probinsya sang Capiz.
