Nangin madinalag-on ang ginpatigayon nga inisyatibo sang Capiz Maritime Police Station nga “School in a Boat Project” para sa mga kabataan nga “out of school” sa Barangay Libas, Roxas City.
Ginpangunahan ini sang Director sang Maritime Group nga si Police Brigadier General Jonathan Cabal. Ang katuyuan sini, ang matudluan ang mga kabataan sang “good manners and right conduct, patriotism, and environmental stewardship.
Lakip man nga gintudlo sa mga ini ang “Bagong Pilipinas” Hymn nga kabahin man sang national transformation agenda nga “Bagong Pilipinas, Para sa Bagong Pilipino.”
Ginasiguro sang mga otoridad bga indi lamang makakuha sang dugang nga ihibalo ang mga kabataan, apang ginahatagan gid sang kahigayunan ang mga ini nga matun-an man ang mga leksyon sa kabuhi kag pagpalangga sa pungsod.
Nahibaluan nga nagsugod ang ini nga programa sang Agosto 16 kag yara sa 12 ka mga out of school youth edad apat tubtob pito ka tuig ang nagapaidalum sa sini nga programa kag naimplementar sa coastal communities sang syudad partikular sa Barangay Culasi kag Libas.
