ROXAS CITY- Nakumpiskar sang Sigma Municipal Police Station ang isa ka closed van nga may karga nga mga ginsarahi nga kahoy nga wala sang nagakaigo nga permit sa, Barangay Amaga,Sigma, Capiz.
Ginkilala ang driver sang amu nga van kay alyas Roben, 59 anyos kag residente sang Poblacion Ilawod,Cuartero,Capiz kag ang kaupod sini nga wala na ginhingadlan nga residente naman sa nasambit nga lugar.
Sa nakuha nga impormasyon sang Bombo Radyo nagikan sa Sigma MPS ginpahayag nga nakabaton sila sang report nagikan sa mga Barangay opisyal nga may nagapalusot sang indi lisensyado nga mga kahoy sa nasambit nga lugar.
Gilayon naman ginrespondehan sang katapo sang mga kapulisan kag nakumpiskar sang mga ini ang mga undetermined assorted Lumber kag ginabulubanta my market value nga P24,000
Sa karun yara na sa paghinakop sang Sigma MPS ang mga ginsarahi nga kahoy kag ang nasambit nga van para sa nagakaigo nga disposisyon kag padayon ang imbestigasyon sang DENR CENRO Sigma Capiz para sa administrative proceeding.
