Ginhinyo sang grupo sang Samahang Industriya ng Agrikultura (SINAG) nga repasuhon kag tayuyon na nga bawion ang Executive Order 62, ang regulasyon nga nagapanubo sa taripa nga ginakolekta sa mga imported nga bugas.
Ini ang sa tunga na man sang plano sang Department of Agriculture nga pagdeklarar sang food security emergency for rice.
Apela ni SINAG Executive Director Jayson Cainglet nga tion na agud irekomendar sang National Economic and Development Authority (NEDA) ang tayuyon nga pagbawi sa nasambit nga regulasyon kag ibalik ang mas mataas nga taripa sa imported rice.
Ini agud magataas pa ang kita sang gobyerno sa mga nagasulod nga imported rice kun sa diin ang dako nga parte sang kita, magapadulong sa mga mangunguma bilang government assistance.
Ginganyat man ni Cainglet ang National Price Coordinating Council (NPCC) nga repasuhon ang nasambit nga measure bangud sa wala naman ini sang nabulig sa sulod sang pila ka bulan nga pagpatuman diri.
Una na nga ginsiling sang DA nga sa karon ang pagrepaso sa EO 62 ang bilang kabahin sang regular review nga pagahimuon kag sandig na man sa nakatalana nga layi.
Dugang pa ni Cainglet nga apisar nagaugyon ang SINAG sa handum sang gobyerno nga mapanubo ang presyo sang bugas pinaagi sa nagkalain-lain nga pamaagi, kalakip na ang deklarasyon sang food security emergency kun kinahanglan, indi suno natuon nga nagasalig ang gobiyerno sa importasyon sang mga nagapanguna nga pagkaon kasubong sang bugas, butang nga ginapaburan sa idalom sang EO 62.
