ROXAS CITY-Ginpatpat sang Provincial Information Officer sang probinsiya sang Capiz ang kaundan sang ginpaguwa nga memorandum ni Capiz Governor Esteban Evan Nonoy Contreras angut sa guidelines sang mga Overseas Filipino Workers (OFW’s) kag mga locally stranded repatriates nga luyag magpauli sa probinsiya.
Ginpahayag ni Atty. Atlas Catalan nga sandig sa Executive Order No. 18 sang gobernador, ang mga OFW repatriates ang kinahanglan magpakita sang bisan ano nga sa mga masunod nga dokumento kalakip ang Identification Cards, Proof of Residency nga gin isyu sang punong barangay, Voter’s I.D., Passport, kag Alien Certificate of Registration.
Kalakip pa sa igapakita sang mga repatriates ang proof of 14 day facility-based quarantine certification, Certificate of negative test results kag Authority to travel.
Samtang sa mga local strandees naman nga luyag nga makaapauli sa probinsiya, nagakahilanglan nga magpresentar sang proof of residence, Medical certificate kag letter of Acceptance gikan sa LGU.
