Hagna sa pagkakas sang travel tax, aprubado na sang House Committee on Tourism

Gin-aprubahan sang House Committee on Tourism ang hagna sa pagkakas sang travel tax sa mga nagabiyahe.

Katuyuan sini nga mabuhinan ang gasto sang mga ordinaryo nga pasahero.

Ang nasambit nga hagna ang magapabaskog sang travel competitiveness sang pungsod Pilipinas.

Bangud sa pagpasar sang hagna, nagakahulugan ini nga bag-uhon ang Presidential Decree No.1183 kag Tourism Act of 2009.

Madumduman nga mismo si Presidente Ferdinand Marcos Jr ang naghingyo sa mga mamalidha nga unahon ang pagpasar sang nasambit nga hagna kag lubos nga ibasura ang travel tax.