Ang handum nga liwat makaserbisyo sa mga Capizeño kag masarangan pa sang ikaayong lawas ang nagtulod kay former governor Victor Tanco Sr., para magfile sang Certificate of Candidacy (COC) sa pagka bise gobernador sa idalum sang PDP-Laban party.
Sa exclusive interview sang Bombo Radyo kay Tanco, ginpahayag sini nga luyag sini nga mangin katuwang ni Governor Esteban Evan Contreras II sa pagpatuman sang maayo nga mga programa kag lihok para sa mga Capizeño.
Gintawag man sini nga fake news ang naglapta nga balita nga nagpamalibad ini nga mangin katandem ni Governor Contreras, bangud pagpatalang lamang ini sang pila ka mga indibidwal.
Sa isyu nga pagpakatig-a sang Sangguniang Panlalawigan nga aprubahan ang supplemental budget sang RMPH rason nga wala maswelduhan ang mga frontliners, nagapati si Tanco nga may lamud pamulitika ini.
Samtang ginapanindugan ni Tanco nga wala na sang atrasan ang ginhimo sini nga pagfile sang COC kag madayon gid ang ila tandem ni Contreras sa 2022 National and Local elections.
