ROXAS CITY – Nag-negatibo sa SARS-CoV-2, ang causative agent sang COVID-19, ang ikaanom nga narekord nga COVID-19 confirmed case sa probinsiya sang Capiz.
Ini ang sandig sa resulta sang ginpatigayon nga Real Time – Polymerase Chain Reaction (RT-PCR) test sa nasambit nga pasyente.
Kasunod ini sang ginpaguwa nga Press Release No. 54 sang Capiz Provincial Health Office.
Ang nasambit nga pasyente ang naga-edad sang 32 anyos kag katapo sang Capiz PHO nga residente sang Barangay Milibili, Roxas City.
Nagapadayon sa gihapon ang hospital quarantine sang amo nga pasyente kag natalana pa nga ipaidalom liwat sa tests agud masiguro nga hilway na ini sa nasambit nga balatian.
Samtang, sandig man sa datos nga ginpaguwa sang talatapan, kabug-usan nga 82 ka mgasuspected cases, repatriates, high risk contacts ang nag-negatibo sa COVID-19 matapos ginpaidalom sa laboratory test
