Roxas City – Ginkompirmar sang hepe sang Criminal Investigation and Detection Group (CIDG) Capiz nga madugay na nga nakalab-ot sa ila nga talapatan ang madata nga illegal numbers game ukon bookies sa probinsya.
Suno kay Police Major Chris Arthemius Devaras, hepe sang CIDG-Capiz nga nagapadayon ang monitoring sang CIDG sa mga nagapataya sang bookies sa probinsya bangud indi lipod sa ihibalo sang CIDG nga wala sang may ginhatag nga lisensya ang Philippine Charity Sweepstakes Office (PCSO) para sa probinsya.
Ginpabugal ni Devaras, nga sang tinalikdan nga tatlo ka semana, nagpatigayon sang operasyon ang CIDG batuk sa bookies kag may yara sila sang nadakpan kag napasakaan sang kaso.
Ginklaro naman ni Devaras nga wala sang kamatuoran ang alegasyon nga nagahatag sang clearance ang CIDG para sa mga illegal nga nagapataya bangud isa ini sa kamapanya sang ila talatapan sa “Oplan Bulilyo”.
Nagpaandam naman ang opisyal sa publiko nga indi magpati sa mga iligal nga nagapataya sa diin ginagamit ang pangalan sang mga otoridad.
Mahibaluan nga may yara lamang sang walo ka mga personnel ang CIDG kag indi na ini matawag nga CIDG civilian agent sa baylo informant na lamang.
Ginpasalig naman ni Devaras sa publiko nga indi sila mag-untat sa ila kampanya batuk sa mga nagapatigayon sang iligal nga pagpataya.
