Ginhingyo sang House prosecution panel sa Senate Impeachment Court nga sugdan na ang pagbista kasunod sang ginpasaka nga sabat sa Answer ad cautelam sang kampo sang gin-impeach nga bise presidente nga si Sara Duterte.
Lakip man ang request sang prosecution nga indi paghatagan sang korte ang request sang kampo sang bise nga ibasura ang trial.
Para sa prosekusyon, ang sabat sang depensa puno sang sayop nga mga pahayag kag mga sayop nga pagpahayag.
Suno kay Atty. Atonio Bucoy, makabig nga wala sang depensa ang bise presidente sa iya Answer Ad Cautelam nga puro ‘general denial’ kag wala pa masabat ang factual nga mga alegasyon batuk sa iya.
Gani para kay Bucoy, pinaagi sa sabat ad cautelam sang bise presidente kag sa ginpasaka nga impeachment complaint, ang scrap of paper amo ang sabat sang bise.
Sa pihak nga bahin, nagapati si Bucoy nga ang pagbasura sa impeachment amo ang direksyon nga luyag dalhon sang depensa ilabi na kag ang mga technicalities nga ila ginahambal makapila ka beses na nga ginsabat sang piskalya.
Kalakip diri ang isa ka tuig nga bar rule nga wala ginlapas, kakulang sang due process, mangin continuing body sang Senado kag balido nga mga artikulo sang impeachment.
