ROXAS CITY – Ginkustodiya sa Roxas City PNP ang 40-anyos nga lalaki, matapos nga ginsumbag ang iya 72-anyos nga Iloy, bangud wala ini gintig-angan sang pamahaw, sa Sitio Pagutoc, Barangay Milibili, Roxas City.
Ginkilala ang nagpanumbag nga anak kay Alan Magaspar, samtang ang iya Iloy nga biktima amu si Amalia Magaspar.
Sa impormasyon nga nakuha sang Bombo Radyo kay Felix Apurada, chief tanod, suno diri nga nagresponde ang mga ini sa nasambit nga mag-iloy kag naabtan nga may lagob sa mata ang tigulang kag ginatutukan sang cutter sang suspek.
Nahibaluan nga ginkaakig sang hubog nga anak matapos nga wala ini ginlutoan sang palamahawon.
Gilayon gindala sang mga tanod ang suspek sa mga katapo sang kapulisan, samtang gindapatan sang pagbulong ang naangkon nga lagob sang Iloy.
Ginpahayag nga masami ginapatup-an sang bata ang iya Iloy sa tion nga indi malutoan kun mahubog.
